అగ్రదర్శకుడి సినిమాలో నటించే అవకాశం వస్తే ఏ కథానాయికైనా కళ్లుమూసుకుని ఒప్పేసుకుంటుంది. కానీ సమంత దారే వేరు. టాలీవుడ్ టాప్ దర్శకుడు ఎస్ ఎస్ రాజమౌళి ఇచ్చిన ఆఫర్ ను ఆమె వదులుకుంది. ప్రభాస్ హీరోగా తెరకెక్కిస్తున్న ప్రతిష్టాత్మక చిత్రం 'బాహుబలి'లో ప్రత్యేక పాత్ర కోసం సమంతను రాజమౌళి అడిగారట. అయితే డేట్స్ ఖాళీ లేకపోవడంతో ఆమె ఈ సినిమాలో నటించేందుకు నో చెప్పింది.
ఈ విషయాన్ని రాజమౌళి స్వయంగా ట్వీట్ చేశారు. 'సమంత ఇలా చేశావేంటి. నా సినిమాలో ప్రత్యేక పాత్ర చేయమని స్వయంగా నేడు అడిగితే డేట్స్ ఖాళీ లేవని చెప్పావు. నీ అభిమానులు నా మీద కోపగించుకునేలా చేశావు' అంటూ రాజమౌళి ట్వీట్ చేశారు.
సమంత ఇంతకుముందు రాజమౌళి 'ఈగ'లో నటించి ప్రశంసలందుకుంది. అయితే తాజాగా రాజమౌళి ఇచ్చిన ఆఫర్ ను సమంత వదులుకోవడం పట్ల ఆమె అభిమాలు ఆశ్చర్యం వ్యక్తం చేస్తున్నారు. వివి వినాయక్ దర్శకత్వంలో సమంత నటించిన అల్లుడుశీను' విడుదలకు సిద్దంగా ఉంది.
No comments:
Post a Comment